Yeh meri apni life ki Real Story hai.Mujhe bohat shoq tha Europe jane ka aur isi jald bazi main mera finantially bohat nuqsan hua hai.
Mein 27 Sep 2004 ko Pakistan se Ukraine k liye by Air rawana hua aur 28 Sep 2004 ko Ukraine Kyiv Airport par pohncha,wahan par mera University ka contractor aur aik Pakistani Agent (Ali Waris) mujhe recieve karne k liye aaye huye the.Unhon ne mujh se 1750$ yeh keh kar liye k yeh University ki Fee + Hostal Fee hai lehaza mujhe yeh paise dene pare kyun k mein pehli martaba apne home Country se dosre Country mein aaya tha.Lekin jab mein Hostal mein pohncha to kuch dinon baad mujhe pata chala k University ki Fee just 750$ hai aur Hostal ki salana fee just 85$ hai yani mujhe aik bohat bara dachka laga k mere saath kitna bara cheet hua hai lekin yeh sirf mere saath hi nahi balke yahan Hostal mein mere saath 10 aur Pakistani the un k saath bi aise hi cheet hua tha.Phir kuch dinon k baad mujhe yeh baat sun kar nahayat afsoos hua k yahan par mein koi Job bi nahi kar sakta kyun k yahan par Student Status par Job allow nahi hai aur dosre kisi bi Status par Job k liye Language must aani chahia.Lehaza mere liye donon raste band ho gaye 1.Mujhe yeh kaha gya tha k yeh English Uni.hai but yahan par a kar pata chala k poore City mein kahin par bi English Uni. nahi hai jis ki waja se mujhe Russion Language mein Admission lena para.2.Mein jo soch kar aaya tha k yahan par a kar mein Job kar sakon ga to is tarha chalo kam az kam mera apna harcha chale ga woh bi ghalt sabit hua,aur yahan par Job ki Pay bi bohat kam hai is baat se andaza laga lein k yahan par aik Proffesor ki pay 100$ ya 125$ hai to aik aam person ki pay kitni ho gi.
Is saari sorat-e-haal ko dekh kar mein ne yeh decide kia k jitni jaldi ho sake mujhe is country se out ho jana chahia kyun k jab tak mein yahan rahon ga paison ka ziaya ho ga.yahan par mein kuch nahi balke kafi jaldi kar gya bajaye k mein Legel Embassy se European Union k Country ka Visa lene ki try karta mein ne bohat hi wrong way choose kia.Mein ne (Donkey) lagane ka decide kia…(The Defination of Donkey…Kisi bi country ka Border illegel cross karna) Is ki aik waja yeh bi thi k aaye Roz koi na koi Agent hamare Hostal ka visit karne aaya hota tha aur yehi kehta tha k mein aap ko 4000$ mein Austria pohnchaon ga,koi kehta k mein aap ko 3500$ mein Austria pohnchaon ga ahir kar aik roz Ali Waris hamare Hoatal a pohncha yeh wohi person tha jis ki Invitation par mein Ukraine aaya tha aur yeh mere cheeter cousin (Atif from Brite Studio) ko bi janta tha jis ne mujhe 2 saal zaleel karne k baad Ukraine k visa laga kar dia.Lehaza mein ne us k saath baat ki k Hum 5 larke Austria jana chahte hain is liye hum tum ko 2200$ per person dein ge jis baat ko us ne maan lia,aur yeh bi kaha k paise mein Atif from Brite Studio k pass gauranti par rakhwaon ga jab mein Solvakia pohnch jaon to Half Money tum ko mil jaye gi aur baqi Austria pohnchane k baad,woh hamari is baat se razamand ho gya.Chunaicha hum 3 larke 29th ko Roza iftar kar k Texi par baithe aur Mobile par call laga kar Texi wale ko pakra dia kyun k hum address sahi tarha se nahi jante the aur texi driver se baat bi nahi kar sakte the kyun k hum language theek tarha se nahi jante the lehaza texi driver ne Ali Waris se phone par baat ki aur us ne texi driver ko sab kuch samjha dia k kon si jaga par in larkon ko drop karo.Texi 2 hour k baad Kyiv city jo k Ukraine ka Capital hai wahan par pohanch gayi,wahan par us ne aik Macdonald’s k saamne texi roki aur Ali Waris ko phone kar k bataya k hum log tumhare bataye huye address par pohanch chuke hain,us ne kuch dair wait karne ko kaha.Us roz mein ne Roza rakha hua tha aur iftari k time mein sahi tarha se khana bi nahi kha saka tha lehaza mein ne texi se utar kar Macdonald’s se kuch Cake Peice aur Koka Kola ki bottles apne liye aur doston k liye hareedein.
