Part - 2

Kafi dair wait karne k baad mujhe Ali Waris ka phone aaya aur us ne kaha k kuchi dair mein aap k paas is tarha ka aik larka aaye ga (us ne aane wale larke ki shanahat bata di) aur 2 hour mazeed wait karne k baad woh larka hamari texi k pass aaya aur hum 3 larkon ko apne peeche aane ko kaha,hum 3 larke us ko follow karte rahe kuch door chalne k baad us ne kaha k woh saamne 3 Car khari hain un mein har aik car mein aik aik larka baith jao.Hum ne aisa hi kia jab mein car mein baitha to us mein already 4 BanglaDesh k larke mojood the aur mein 5 tha.Kuch dair k baad 3 caron ne chalna shuro kar diya aur 30 mint chalne k baad aik wairaan se jungle mein utar diya.jab hum sab log 3 caron se neeche jungle mein utre to mein ne dekha k hum Total 16 person the un 3 caron k ander,jin mein se 13 BanglaDesh k aur 3 hum Pakistani the.Phir woh hum 16 larkon ko jungle mein thora sa aage le gaye raat ka time tha aur jungle bi bohat wairaan tha jis ki waja se hum log kafi hofzada the k pata nahi ab hamare saath kya hoga.Phir mujhe aik aur dachka laga jab mein ne yeh dekha k jis jaga ghane jungle mein us ne hum 16 larkon ko rukne k liye kaha to wahan par hum se pehle bi 14 aur larke mojood the jin mein se kuch Pakistani bi the aur kuch Afgani bi.Is tarha ab hum sab total 30 larke us wairaan jungle mein khare the.Mein yeh saara majra dekh kar bohat preshaan hua aur foran Ali Waris ko call lagai aur kaha k yeh hamare saath kya ho raha hai hum sab lagon ko tum ne kahan par phaink diya hai is wairaan jungle mein,to us ne kaha preshan hone ki koi baat nahi abi thori hi dair mein gari a jaye gi,Don’t worry.Aur aisa hi hua kuch hi time guzra tha k aik bara sa Containor us Jungle mein a kar ruka us mein se 2 aadmi neeche utre aur hum sab larkon ko pakar pakar kar Containor k andar dakailne lage.Containor ki andar se position kuch aisi thi aur us ko is andaz se tyar kia gya tha k agar woh raste mein kahin par bi check ho jaye to pata na chal sake k is andar larke band hain.Us mein aik wall bani hui thi aur us wall k andar 2 bilkul chote chote Box bane huye the,un Box ka size utna hi ho ga jitna k aik charpayi ka size hota hai aur sirf itni si jaga k andar hum 30 larke kaise baithe hon ge aap hud hi andaza laga sakte hain jo jis position mein baitha tha woh usi position mein baitha raha jab tak k Containor apne Target par nahi pohncha.

Us Containor mein hum 30 logon ne taqreeban kam-o-baish 24 hour ka safar kia.Raaste mein aik martaba bi us ne Containor nahi roka,Containor k andar larkon ki bohat buri halat ho gya thi kuch larke piyas se tarap rahe the to kuch larkon ko paishap ki hajat feel ho rahi thi larkon ne bohat kaha Darwazon ko mukke maare aur najane kya kya kia lekin us ne Containor ka Darwaza nahi open kia aik martaba to sab ko yeh feel hua k ab hum mein se koi zinda nahi bache ga,lekin ahir kar woh waqt a hi gya aur 24 hour k zaleel-o-hawar safar k baad Driver ne Containor ka Darwaza open kia aur sab Larkon ne shukar ka Kalma parha.Containor se neeche utarte hi aik Mashrutqa Gari same as Toyota Highexe khari thi sab larkon ko us ne us gari mein beethaya aur 15 ya 20 mint k safar k baad aik Room mein chor diya.Room ki halat kuch aisi thi k neeche phatte pare huye the aur aik side se woh bilkul open the aur Temprature bi taqreeban -2 ja raha tha.Hum sab ne kisi tarha Allah Allah kar k Bhuke Piyase woh raat guzaari aur subha wait karte rahe k koi banda aaye aur hum sab ko is qaid se bahir nikale,lekin dopehar k 3 baje tak koi nahi aaya ab sab larkon ne mujhe kaha k yaar tum Ali Waris ko phone karo aur us ko kaho k hum logon ko tum ne kis museebat mein phansa dia hai.Mere Mobile ki battery bi taqreeban finish hone wali thi hair kisi tarha kar k mein ne Ali Waris ko phone kia aur saare halat se aaga karwaya.Us ne kaha k 30 ya 40 mint tak aap logon k pass khane peene ka samaan a jaye ga don’t worry,aissa hi hua 40 mint k baad aik banda aaya us k haath mein kuch pani ki bottles aur Biscuites k packets the.Ab hum sab 2 din k bhuke piyase the jab khane peene k saaman ko dekha to 30 k 30 us aik bande par lapak pare,kisi ko 2,3 pani ki bottles mil gyi to kisi beechare ko aik bi nahi,hair mein ne bi kisi tarha aik pani ki bottle aur aik buscuite ka packet pakar lia.ab woh aik buscuite ka packet hum 3 larkon ne apis mein divide kia aur kuch pani ka ghont lagaya aur Allah ka shukar ada kia k ahir 2 din k baad hume yeh bi naseeb hua hai.Phir kuch dair k baad aik banda aaya aur us ne kaha k aaj shaam ko 7:45 mint par hum yahan se le jayein ge.