Part - 3

Ab sab larke us time ka wait karte rahe k kab woh time aaye aur kab is sardi se jan chute.Hair woh waqt a gya aur phir hum 30 Larkon ko aik Mashrutke mein baithna para.Yeh mashrutka 3 hour chala aur phir aik jaga ruka aur sab larkon ko us ne aik Room mein jaldi se jane ko kaha.Us Room mein un logon ne hum sab larkon ki talashi li aur jitne bi paise ya koi qeemti cheez mili unhon ne cheen li.Mere pass 200$ the aik Samsung X100 Mobile tha jo mein Pakistan se le kar aaya tha jis mein meri Pakistan ki yadein theen aur aik Lether coat tha, yeh sab unhon ne cheen lia lekin hair mein aik 100$ chupane mein kamiyab ho gya aur isi tarha mein ne apne saath wale larke k bi 100$ bacha liye.Sab larkon ki talashi lene k baad unhon ne 18 Larkon ko side per kar liya aur 12 Larkon ko dosri side par kar lia jin mein se hum woh 3 larke the jo ikathe Cherkassy (Apne Hostal) se a rahe the.Un 18 larkon ko yeh Gari mein bitha kar kisi dosri jaga le gaye aur hum 12 larkon ko inhon ne aik Chote se Room mein band kar diya,jis Room mein inhon ne hum 12 larkon ko band kia wahan par already 12 chiness bi the jo beechare baqol un k 3 mah se wahan par reh rahe the.Room ki halat kuch is tarha thi k jis tarha wahan par shaid aik zamane mein chota sa poltri form raha ho, yani neeche zameen par parali ghiri hui thi jis par Juwein chal rahi theen.Aadmi sirf wahan par baith sakta tha soone ka to sawal hi nahi paida hota tha,chota bara paishap wahan usi room mein.Hair mein ne wahan par bi kisi na kisi tarha kar k jaga bana hi li.Khane peene se hum sab mehroom rahe,Rozana Makronion ka soup subha k time aur shaam k time aik Double Roti ka piece milta tha.Hum loogon ki halat kafi harab ho gyi thi.Aisa lagta tha k hum yahan se kabhi bahir nahi nikal sakte.Raat ko itni sardi hoti thi k Temprature -15 se uper hota tha Shadeed baraf par rahi thi aur hum log without Blanket (Kambhal) raat guzarte.Raat k time aksar Donker (Donkey lagwane wala) Sharab ki bottles le aata to larke sardi se bachne k liye woh sharab peete.Lekin Al-Hamdulillah mein ne wahan par bi sharab to kya aik Segrate bi nahi piya.Wahan us Room mein hum 11 days rahe aur 11 din ki raat to 12 baje Donker aaya aur us ne kaha k sab ready ho jao aaj raat aap sab Slovakia ja rahe ho hum sab yeh habar sun kar bohat hush huye k Shukar hai Ya-Allah tera k tu ne hume is museebat se chutkara dilwaya.Donkaron ne 2 Car mein hum 12 larkon ko bithaya aur garian speed se dora deen.25 mint k baad unhon ne garian stop keen aur bahir utarne ko kaha,sab larke foran bahir nikle to unhon ne dhake deite huye aik pahari (Little Mountain) par charhana start kar diya.kuch door ja kar un mein ne aik Donker ne kaha “XTO PANIMEISH RUSSCI”

k tum logon mein ne Russion language kon janta hai mein ne kaha k mein thori si janta hun.to us ne mujhe kaha k sab larkon ko bata do k 4 se 5 Km ka rasta hai.Hair mein ne sab ko yeh baat bata di.Us time 2 feet baraf bari hui thi us pahari par jis ki waja se chalna bohat dushwaar ho raha tha.Aur phir jis tarha hamari haltein theen us ka zikar to mein pehle bi kar chuka hun.Horaak ki kami ki waja se hum bohat weak ho chuke the aur phir achanak aisa safar hum log kaise kar sakte the?Meri halat kuch is tarha ki thi k right side ki Leg (Tang) ka Masal Pull ho gya tha,Ya phir itni sardi thi k shaid hawa lag gyi thi.meri right side ki Tang kaam nahi kar rahi thi mein jab chalta to left tang aage barhata aur phir haath se right leg utha kar aage karta is tarha mein ne woh 5 km ka safar kia.Lekin jab mein chal raha tha to Allah ke shukar k baad apni favorate Game “Cricket” ka shukria ada kar raha tha.Kyun k sab sab usi ka kamal tha k aik harab leg k bawajod mein na hud chal raha tha balke sometime mein dosron ki bi thori bohat help karta.Hum sab k mind mein yehi baat thi k chalo kisi na kisi tarha hum yeh safar kar hi lein ge kyun k hamari aankhon k saamne Europe dekhai de raha tha hum ko kya ilam tha k hum sab Europe ki taraf nahi balke aik aur nai museebat ki janib ja rahe hain.hair 5 km k safar k baad Donkaron ne hum sab ko rukne k liye kaha aur apne Mobile se kisi ko phone kia aur jald hi aik Jeap wahan a kar khari ho gyi.